Aruba semper tawata un isla multicultural. Esey ta haci cu nos cultura ta unico y interesante. Con nos por mustra nos cultura y honra esaki, pa nos bishitantenan y generacionnan di futuro por sigui celebr’e?
P’esey ‘Ban Serio’ ta pone emphasis riba tur actividadnan cultural. Dor di promove y traha calendario cu informacion pa e activadanan cultural durante e aña. Pa hacie mas accesibel pa por yega nos dushi eventonan, cu ta basa riba elemento nan di cultura. Ehempel ta Dera gai, Parada cu Lanterna y Fiesta di Tambu.
Banda di esei nos ta organisa actividadnan pa pueblo participa cu su cultura mane un scavenger hunt cu ta test bo conecemento y ta hiba bo pa bo bishita rond di nos isla. Ta pone spotlight riba esun nan cu ta involvi den nos cultura. Y quiz cu premio manera ‘rementa bo celebro’ pa eleva nos conocemento di nos cultura. Asina nos tur por siña mas di otro y hunto forma nos cultura.
#noscultura
Cordialidad ta importante pasobra no tur tin e necesidad humano pa wordo acepta y pa ta parti di un comunidad. Esaki ta inclui nos bishitantenan tambe.
Di ki manera nos por mantene nos amabilidad y cordialidad?
P’esei Ban Serio ta pone emphasis pa nos reconoce nos bon abilidad cu ta pone tur bishtante sinti nos amabilidad y cordialidad. Dor di simplemente puntra kiko ta amabilidad na nos pueblo. Ken bo ta aprecia? Asina nos reenforsa nos balor y conneccion entre nos, con pa nos keda trata otro respetoso.
#noscordialidad
Manera comunidad, nos mester segura cu e siguente generacionnan por sigui disfruta di nos naturalesa. Kico ta bo compromiso pa nos medio ambiente?
Nos sa con importante nos medio ambiente ta. Millones di turista ta bin pa admira nos naturalesa cu nos tin e privilegio pa por experiencia tur dia. Pesei tin manera diariamente con pa conserva y proteha nos medio ambiente.
P’esei Ban Serio ta pone emphasis riba informacion pa engrandece nos conocemento di nos medioambiente mane ofrece tips durante campamento pa laga nos beachnan atras con nos a haye. Usa y pimp up bo reusable cup pa Carnaval. Pone spotlight riba iniciativa y persona rond di Aruba cu ta impactando nos medioambiente positivamente. Tambe proyecto riba nan mes ta sali fe Ban Serio mane ‘Aruba Limpi’ cu ta enfoca ‘call to action’ pa limpiesa den bario.
#nosmedioambiente
Con nos por contribui na un ambiente di un isla chikito unda nos comunidad por confia y conta cu otro?
P’esei Ban Serio ta pone emphasis riba cultura, medioambiente y hospitalidad paso tur ta uni pa crea siguridad den nos communidad. Seguridad ta algo pa cuida dor di respeta nos mes, otro y nos medioambiente. Paso solamente cu siguridad un comunidad por biba den paz.
#nossiguridad
Un iniciativa di Aruba Tourism Authority
